👼🏽 Celeste

My name na Celeste

No be common name

But dat one no be di problem

I don give person belle

Anita and ha mama come my house for morning

I no sabi wetin to talk

Na im I say sorry

Ha mama talk sey I don bring dem shame

Sey hu go take care of pikin wey no get name

My papa say I no be im son

Sey haw I go give person belle run

But wetin I go do?

I no fit look im face

Tell am sey I be big disgrace

My name na Celeste

But dem no fit see my type for heaven

Seven years don pass

I neva see my pikin

No be good feeling

Wen yu disappoint plenty people

But I gat change level

Oh Celeste, “yu be devil!”

Na wetin Anita talk wen I return

Haw I go leave am with pikin wey we born?

Na condition make me go

But I don come back, and I go follow dem siddon

I go follow train di pikin

My name na Celeste

I don do bad

But now I dey do good

I no like my past

But na only future I go fit change last-last

Author: Itseme Akede