Yu sabi di kain happiness wey go make yu sleep for night open yor front teeth? Di kain one wey yu go wake up for morning and yu still dey shine teeth? E no matter weda conductor no give yu yor change, or sey persin wey dey drive motor splash dirty water for yor bodi. Di kain feeling wey be say even if yor food wey yu pack trowey for ground, yu go just shake head continue dey waka go. Na dat kain happiness I dey feel today. Continue reading

Monday na serious day for me. Na di start of new week. And as di oga wey I be for school, notin fit miss for my dressing. For Sunday night, I dey make sure sey I don polish my shoe, make e shine well-well—na Papa teach me dat one. I go kon iron my shirt, make e stand gidigba, make di lines dem sharp. My hair nko? Baba Solo go don shape am for me on Saturday. I no dey cut am for Sunday becos if I leave am till Sunday, by Monday, all di line for wer di clipper… Continue reading

“Dis life na turn by turn.” Na wetin Nnamdi talk as e dey pack im bag. Nnamdi dey among di lucky ones wey see road leave dis awa country. E no easy but Nnamdi show sey him sef no easy. Di waka wey e don waka to take travel no be am. Continue reading

Today na Sunday. My chicken for yard neva do kukuruku but I sabi sey time don reach make I wake up dey waka go market. I get dream for night wey na so-so ojuju dey pursue me. Tufiakwa! I reject am. Papa Ifeanyi still dey sleep, dey snore wit im mouth like basket. I no sabi haw I dey manage sleep wit di kind ringtone wey dey komot from im mouth every night, but once my head touch pillow like dis, I don go… I don too work. Continue reading

Omo! Heat dey. I sabi sey people dey talk sey hell fire hot, but e be like say Lagos don dey drag position wit hell fire. If hell na hundred, Lagos go be one-fifty! If hell na underground, Lagos na im neighbor. E be like say di kwanta wey we don do for dis life don too much. God say make he add small heat make awa nyash feel am. Di kind heat wey we dey see now ehn, if yu carry egg break for ground for outside, di tin go fry. Continue reading

Since I no fit talk am, I must to write am. If I talk am, na church dem go carry me go. Or dem go flog winch komot for my bodi. I no sabi wetin carry my hand touch wetin I no suppose touch dat day. Chai! If to say I for hear word. Continue reading

Madam Gold na wicked persin. Any time wey any of us sight am like dis, we dey pick race. Persin no go tell us before we go disappear. All di people wey dey here no get mama and papa. Na Madam Gold be awa mama and papa. She no be better persin, but na im dey give us chow make belle soft, and na im dey give us cloth. No be better gwanj, but last-last we see food chop. Continue reading